SEBENERNYA pengalaman kayek ginih ude pernah aye alamin, beli prodak atawe barang-barang dagangan di si mart. Harge kage sesuai antare di label ame di kasir. Nah, gimana pula ceritanya tuh?
https://www.youtube.com/watch?v=gRcsAi5arjQPernah beberape kali aye ame bini belanje di ini warelabe atawe mini market.
Liat-liat barang pastinye aye amme bini liat hargenye juge. Pas bayar di kasir kok total jumle belanje beda ame nyang aye perkirain sesuai harge label.
BACA JUGA: Ketika Penipu Menipu Penipu
Aye protes ame ntuh kasir: “Mbak, ape kage sale tuh ngitung belanjaan? Di label harge ini bareng cuman seginih kok di struk harganye segituh?”
Eh die jawab beginih.. : “Oh itu harga lama, lupa belum diganti.”
Mak dirabit, jawabnye seenaknye aje.
Ye ude aye ame bini kage mao ribut di situ. Cuman ude niat aje di ati, jangan perne blanje di situ lagi.
Nah pengalaman kaye gitu terulang lagi. Siang itu luar biase aye aus kage ketulungan. Aabis ade urusan tengari bolong di motor setengah harian.
Pas lewat si mart di depan kecamatan Pondok Gede, aye mampir beli minuman kemasan. Di label aye liat ntu harge 5.400 perak aje. pas aye mao bayar, kate kasir hargenye 6.500 perak.
Enteng aje aye bilang, “Kage saleh ntu harge?”
Kasir bilang die ude bener harga 6.500. Aye suruh die cek lagi tetep die bilang harga 6.500 perak. Trus aye bilang, “Pan di label harga 5.400?”
Keukeuh die bilang 6.500. Masih dengan nade enteng aye bilang lagi, “Kenape mas kagak cek di raknye sono?”
Akhirnye die ke rak ngecek harge, trus tanpe ngerase saleh die bilang dengan nade dingin, “Iya 5.400.”
Bukan masalah selisih harge nyang cuman seceng, tapi ini sebuah penipuan dan kezaliman, kage bole dibiarin nyang kaye ginih. Ini bukan pertame kali aye alamin. gimane kalo dialamin banyak orang dengan jumlah barang belanje nyang juge lebih banyak?
Teliti sodare, kalo belanje di warung kapitalis, terutame di si mart. Kalo kage kepepet aye kage bakal peren lagi belanje di situh.
Alhamdulillah ada supermarket punye orang islam dan islami. []
