Oleh: Mawar Dani
mawarmaisa@gmail.com
“MPOK… Mpok …! Gak enak banget deh lihat tetangga kite yang betiga ntuh.”
“Maksudnye Alipeh, Markonah ame Mumun ye?”
“Iye, Mpok. Pulang pengajian begini nih bukannya balik ke rumah eh malah ngajakin nge-mall. Gak ada kerjaan kali ye?”
“Nah begitu tuh aye kagak demen gabung bareng mereka, suka ngerjain hal-hal gak manfaat. Ape lagi coba yang bakal dilakuin kalo bukan ngamburin duit sambil ngomongin orang. Hilang dah tuh pahala ngaji kite.”
“Iye, Mpok. Mending kite ye, langsung pulang terus ngurusin rumah ame keluarga. Eh … Eh … Tau gak, Mpok? Kemarin pas di tukang sayur mereka itu ngegosipin tetangga baru kite.”
“Gak usah ikutan deh, kagak baik udah dibilangin. Sama aja tuh kayak kemarin di arisan RT, ada dua ibu lagi ngegosip duduk di sebelah aye. Nah satunya pergi malah si ibu satu lagi ngajakin aye nggosipin balik. Ngomongin orang itu selalu begitu, siape yang pergi duluan bakal diceritain balik. Gak demen dah.”
“Gak enak beud ye, Mpok. Ih … Gak ada untungnya sama sekali.”
“Hu’um. Mending macam kite dah. Ngindarin ngumpul ame gibah mending pulang. Satu lagi nih, namanya ngegosip pasti kite ngerasa paling bener bin suci. Setuju kagak?”
“Haha … Tosss dah, Mpok. Demen aye punya temen kayak Mpok.”
Prooookkkkkkk! []
Asahan, 29-08-2016
